فرمان الہی
نماز کے اوقات
گلگت میں ہوشے ویلی میں لیلی پیک سر کرنے کے دوران جرمن خاتون کوہ پیما ’’لورا‘ ہلاک ہوگئی ہے۔
ترجمان گلگت بلتستان حکومت کا کہنا ہے کہ جرمن کوہ پیما لورا ہلاک ہوگئی ہے، کوہ پیماؤں کی ریسکیو مشن ٹیم جب میت نیچے لائے گی تو ہمیں اطلاع کرے گی۔
ترجمان کا کہنا ہے کہ کوہ پیما کی میت لانے کیلئے ریسکیو ٹیم مدد مانگے گی تو ہیلی کاپٹر دوبارہ روانہ کر دیں گے۔
ہوشے ویلی میں لیلی پیک سر کرنے کے دوران جرمن خاتون کوہ پیما لینڈسلائیڈنگ کی زد میں آگئی تھیں۔
ترجمان گلگت بلتستان حکومت فیض اللّٰہ فراق کے مطابق ایک جرمن خاتون کوہ پیما کروس مرینہ ایوا کو رسی کے ذریعے ریسکیو کرلیا گیا تھا۔
دوسری جرمن خاتون کوہ پیما لورا ڈاہلمائر پھتروں کی زد میں آکر ہلاک ہوگئیں۔
جرمن خواتین کوہ پیما 28 جولائی کو لیلیٰ پیک سر کرنے کے دوران لینڈ سلائیڈنگ کی زد میں آگئی تھیں۔
31 سالہ جرمن کوہ پیما لورا ڈاہلمائر کو جرمنی کی سب سے کامیاب ایتھلیٹس میں سے ایک سمجھا جاتا ہے۔ جس نے 2018 کے پیونگ چانگ ونٹر اولمپکس میں دو طلائی تمغے جیتے اور مجموعی طور پر 7 عالمی چیمپئن شپ ٹائٹل حاصل کیے۔
