اے ارضِ پاک اب تِری عظمت کو ہو سلام
اپنے رسولِ پاکؐ کی رحمت کو ہو سلام
اپنے جگر کے ٹکڑے جو تجھ پر لُٹا چُکیں
اُن ماؤں کے قلوب کی ہمّت کو ہو سلام
بیدار جس نے قوم کے احساس کو کیا
اقبالؒ کی عظیم بصیرت کو ہو سلام
اِس مادرِ وطن پہ جو قربان ہوگیا
اُس قائدِ اعظمؒ کی عظمت کو ہو سلام
مٹنے کے بعد بھی نہ مِٹے یہ نصیب ہے
ایسے نصیب والوں کی ہمّت کو ہو سلام
مِٹ کر حیاتِ جاوداں پائی ہے اے ندیم
اِک اِک شہیدِ قوم کی قسمت کو ہو سلام
(ریاض ندیم نیازی، سبّی)