Advertisement

شیشہ توڑکر گھر میں گھسنے والا بکرا باتھ روم میں سو گیا

October 09, 2019
 

Your browser doesnt support HTML5 video.

شیشہ توڑکر گھر میں گھسنے والا بکرا باتھ روم میں قیلولہ کررہا ہے۔

امریکی ریاست اوہائیو کے ایک گھر کی مالکن نے کبھی سوچا بھی نہ ہوگا کہ وہ ایک واقعہ کی وجہ سے اس قدر مشہور ہوجائے گی۔

واقعہ کچھ یوں ہے کہ ایک بکرا انکے گھر میں عدم موجودگی کے دوران قیلولہ کے لیے گھر کا شیشہ توڑکر اندر داخل ہوگیا اور مکان کے باتھ روم میں جاکر سو گیا۔

اوہائیو کے سولیوان ٹاؤن شپ کے ایشلینڈ کاؤنٹی میں موجود گھر پر جب مالکن مسز جنیفر کیتھ لے کا اٹھارہ سالہ بیٹا اسکول سے گھر پہنچا تو گھر کا پالتو کتا بکرے کی گھر میں موجودگی پر زور زور سے بھونک رہا تھا۔ جنیفر کیتھ لے کا بیٹا اس بن بلائے مہمان کو دیکھ کر حیران رہ گیا۔

مسز جنیفر کیتھ لے نے بتایا کہ تھکا ہارا بکرا ایک مقامی فارم سے نکل کرآیا تھا اور گھر کےگرد چکر لگاتا رہا جس کے بعد وہ شیشہ توڑ کر اندر گھس گیا اور باتھ روم میں جاکر سوگیا۔

بعدازاں بڑی مشکل سے بکرے کو گھر سے نکالا گیا اور مقامی پولیس کی مدد سے مالک کو تلاش کرکے اس کے حوالے کیا گیا۔


مکمل خبر پڑھیں