ٹی این ایف جے کاہفتہ وحدت واخوت منانے کااعلان

November 09, 2019
 

اسلام آباد( خصوصی نمائندہ)تحریک نفاذ فقہ جعفریہ کے سیکرٹری جنرل سیدشجاعت علی بخاری نے رسول صادق ؐ اورامام جعفرصادق کی آمدکی مناسبت سے12تا18ربیع الاول عالمگیر ہفتہ وحدت واخوت منانے کااعلان کیاہے ۔ ایک بیان میں انہوں نے کہاکہ پیغام مصطفی ؐ کو عام کرکے دنیا بھر سے دہشت گردی کا خاتمہ کیا جا سکتا ہے۔انہوں نے کہا کہ تعلیمات ِنبویؐ کی اساس عدل و انصاف پر ہے لہذا دنیا سے معاشرتی ناہمواریوں کے خاتمے اور حقوق برابری کی سطح پر ادا کر کے عالمی امن کا خواب شرمندہ تعبیر کیا جا سکتا ہے ۔