احتساب عدالت نے جعلی اکاؤنٹس کیسز میں سابق صدر آصف علی زرداری سمیت 13 ملزمان کی چارج شیٹ جاری کر دی۔
احتساب عدالت نے پارک لین کمپنی ریفرنس کی 17 صفحات کی چارج شیٹ جاری کر دی۔
احتساب عدالت کی جانب سے جاری کی گئی چارج شیٹ میں کہا گیا ہے کہ آصف زرداری نے یونس کڈواوی اور اقبال میمن کے ذریعے جعلی کمپنی پارتھینون بنائی۔
چارج شیٹ میں کہا گیا ہے کہ آصف علی زرداری نے جعلی کمپنی سے رقم اپنی کمپنی کے اکاؤنٹ میں منتقل کی، ڈیڑھ ارب روپے کی رقم کی کرائم پروسیڈ چھپانے کے لیے جعلی اکاؤنٹس میں گھمائی گئی۔
یہ بھی پڑھیئے: چیئرمین پی پی کی حکومت کیخلاف چارج شیٹ
اس حوالے سے سابق صدر آصف علی زرداری کا کہنا ہے کہ تمام الزامات کو سمجھ چکا ہوں، انہیں مسترد کر کے اپنا مکمل دفاع کروں گا۔