مشکل گھڑی میں ترک عوام کے ساتھ ہیں، Shah Mahmood Qureshi شاہ محمود قریشی

October 30, 2020

وزیر خارجہ شاہ محمود قریشی نے ترکی میں زلزلے سے قیمتی جانوں کے ضیاع پر افسوس کا اظہار کرتے ہوئے کہا ہے کہ مشکل کی اس گھڑی میں ترک عوام کے ساتھ ہیں۔

ایک بیان میں شاہ محمود قریشی نے کہا کہ مشکل گھڑی میں حکومت اور عوام کی ہمدردیاں ترک عوام کے ساتھ ہیں۔

وزیر خارجہ نے مزید کہا کہ زلزلے کے متاثرین اور غمزدہ لواحقین کے ساتھ اظہار تعزیت کرتے ہیں۔

شاہ محمود قریشی نے ترکی کے شہر ازمیر میں زلزلے کے زخمیوں کی جلد صحتیابی کے لیے دعا بھی کی۔

اس سے قبل دفتر خارجہ اور ن لیگی رہنما مریم نواز بھی ترکی میں آنے والے زلزلے پر اظہار افسوس کیا تھا۔