قومی ہاکی ٹیم کے سابق کپتان اصلاح الدین نے وزیر اعظم عمران خان کی علالت پر تشویش کا اظہار کرتے ان کی جلد صحت یابی کے لئے دعا کی ہے، انہوں نے وزیر اعظم کو نیک خواہشات کا پیغام بھی واٹس اپ کیا ہے۔
انہوں نے کہا کہ وزیر اعظم سے اپیل کرتا ہوں کہ وہ ملک میں قومی کھیل ہاکی کو ترقی دینے کے لئے خصوصی توجہ دیں، ملک میں ہاکی کا ٹیلنٹ بہت ہے مگر سہولتوں کی عدم فراہمی کی وجہ سے یہ کھیل تباہی کی جانب گامزن ہے۔
انہوں نے کہا کہ کھلاڑیوں کو روز گار کی فراہمی کے بغیر اچھے نتائج حاصل کرنا مشکل ہوگا۔