ڈرگ ریگولیٹری اتھارٹی کے چیف ایگزیکٹو آفیسر عاصم رؤف کا کہنا ہے کہ نجی کپمنی کی جانب سے چین سے درآمد کی گئیں دس ہزار ویکسین کا معاملہ آج حل کرلیا جائے گا۔
جیونیوز سے گفتگو میں سی ای او ڈریپ عاصم رؤف کا کہنا تھا کہ نجی کپمنی کی جانب سے درآمد کی گئی کورونا ویکسین کین سائینوبائیو کے نمونے ڈریپ کے پاس موجود ہیں۔
انہوں نے کہا کہ کچھ ٹیکنیکل مسائل کے باعث نجی شعبے کی درآمد ویکیسن کو فروخت سے روکا تھا۔
عاصم رؤف نے کہا کہ امید ہے کہ معاملہ آج کلئیر ہوجائے گا، کلیئرنس ملنے کے بعد نجی کپمنی قانون کے تحت کام کر سکے گی۔
نجی کمپنی کی طرف سے کین سائنوبائیو کی 10 ہزار خوراکیں چین سے درآمد کی گئیں۔