مقبوضہ کشمیر میں قابض بھارتی فوج کی ریاستی دہشت گردی تا حال جاری ہے۔
کشمیری میڈیا سروس (کے ایم ایس) کے مطابق قابض بھارتی فوج نے ضلع شوپیاں میں 3 کشمیریوں کو شہید کر دیا۔
کشمیری میڈیا سروس کے مطابق بھارتی فوج نے علاقے امام صاحب میں محاصرے کی آڑ میں کشمیریوں کو شہید کیا، بھارتی فوج اور پولیس نے علاقے کو سیل کر دیا ہے جبکہ بھارتی قابض فوج کا سرچ آپریشن جاری ہے ۔
کے ایم ایس کے مطابق قابض انتظامیہ نے ضلع میں انٹرنیٹ سروس بھی معطل کر دی ہے ۔
دوسری جانب عینی شاہدین کا کہنا ہے کہ علاقے میں صحافیوں کو آنے کی اجازت بھی نہیں دی جا رہی ہے۔