فرمان الہی
نماز کے اوقات
سنگاپور میں مقیم بھارتی خاتون نے سوشل میڈیا پر ایک پوسٹ میں دعویٰ کیا ہے کہ سرکاری زمین پر موجود درخت سے گرا ہوا آم اٹھانے پر بھی 5000 سنگاپورین ڈالرز یعنی پاکستانی تقریباً 10 لاکھ روپے تک جرمانہ ہو سکتا ہے۔
پریانکا سنہا کے مطابق سنگاپور میں عوامی مقامات پر لگے پَھل دار درخت حکومت کی ملکیت سمجھے جاتے ہیں، اس لیے بغیر اجازت پھل توڑنا یا زمین پر گرا ہوا پھل اٹھانا قانوناً جرم ہے۔
سنگاپور کی وزارتِ قومی ترقی اور نیشنل پارکس بورڈ کے مطابق عوامی پارک میں بغیر اجازت پھل لینے پر 5000 ڈالرز تک جرمانہ ہو سکتا ہے جبکہ قدرتی محفوظ علاقوں یا نیشنل پارکس میں یہی خلاف ورزی 5 لاکھ سنگاپورین ڈالرز جرمانے یا 6 ماہ قید کا باعث بھی بن سکتی ہے۔
بھارتی خاتون کی پوسٹ وائرل ہونے پر سوشل میڈیا صارفین نے ان کی پوسٹ کے کمنٹ باکس میں حیرت کا اظہار اور مزاحیہ تبصرے کیے ہیں۔
کئی افراد نے اپنے ممالک کا سنگاپور سے موازنہ کرتے ہوئے لکھا ہے کہ ان کے ہاں سڑک کنارے درختوں سے پھل توڑنا عام بات ہے۔
بعض صارفین نے سنگاپور کے سخت قوانین کو صفائی، نظم و ضبط اور عوامی املاک کے تحفظ کی وجہ جبکہ کچھ لوگوں نے اتنے بڑے جرمانے کو غیر معمولی قرار دیا ہے۔
