معروف پاکستانی گلوکارہ میشا شفیع نے اپنی 200 گھنٹے کی یوگا ٹیچر ٹریننگ مکمل کرکے گریجویشن سرٹیفیکیٹ حاصل کرلیا ہے۔
میشا شفیع نےفوٹو اینڈ ویڈیو شیئرینگ ایپ انسٹاگرام پر اپنے گریجویشن سرٹیفیکیٹ اور میڈل پہنے ہوئے تصویر شیئرکی ہے۔
میشا شفیع نےاپنی پوسٹ کے کیپشن میں لکھا ’گریجویشن ڈے، آج میں یوگا ٹیچر ٹریننگ مکمل کرنے کے بعد گریجویٹ ہوئی ہوں اور اب میں یوگا الائنس کی تصدیق شدہ استاد ہوں۔ ‘
گلوکارہ نے لکھا کہ ’اتنے برسوں سے یہ میرا خواب ہے، بہت سے طریقوں سے ، وبائی امراض کے دوران اس انتہائی تربیت سے گزرنا ایک نعمت تھا۔ اس نے مجھے ایک ایسی مشق میں مستحکم رکھا جس نے میری جسمانی ، جذباتی اور ذہنی تندرستی کا خیال رکھا اور مجھے یوگا کرنے والوں کی حیرت انگیز جماعت سے تعلق رکھنے کا خوبصورت احساس دیا!‘
انہوں نے مزید لکھا کہ ’مجھےنہیں پتا کہ میں کیسے وبائی امراض کی غیر یقینی صورتحال اور الجھنوں کے دوران اس طرح کے عزم کے ساتھ اپنی دیکھ بھال کرتی۔‘
گلوکارہ میشا شفیع نےآخر میں اپنے ٹیچرز کا اور حمایت کرنے کے لیے اپنی فیملی کا شکریہ اداکیا۔