اسلامی دنیا کی پہلی خاتون وزیرِ اعظم بے نظیر بھٹو کی بھتیجی اور ذوالفقار علی بھٹو کی پوتی فاطمہ بھٹو نے اپنے چچا شاہنواز بھٹو کے 36 ویں یومِ شہادت پر ایک پیغام شیئر کیا ہے۔
فاطمہ بھٹو نے چچا شاہنواز بھٹو کی برسی پر ان کی ایک یادگار تصویر اپنے ٹوئٹر اکاؤنٹ کی زینت بنائی ہے۔
انہوں نے لکھا ہے کہ ’انکل شاہ کو اس جولائی کیا ہر جولائی کو ہی یاد کیا جاتا ہے۔‘
یاد رہے کہ شاہنواز بھٹو سابق وزیرِ اعظم ذوالفقار علی بھٹو اور نصرت بھٹو کے صاحبزادے اور بینظیر بھٹو کے بھائی تھے۔
دوسری جانب پی پی پی کے چیئرمین بلاول بھٹو زرداری نے اپنے شہید ماموں شاہنواز بھٹو کو ان کے 36 ویں یومِ شہادت پر خراج عقیدت پیش کیا ہے۔
انہوں نے کہا ہے کہ شہید شاہنواز بھٹو خاندان کے لاڈلے اور جمہوریت پسند انقلابی سوچ کے حامل نوجوان رہنما تھے۔