سابق وزیر اعظم اور پاکستان پیپلز پارٹی کے بانی چیئرمین ذوالفقار علی بھٹو کے بیٹے میر مرتضیٰ بھٹو کی بیٹی فاطمہ بھٹو نے والد کی 25 ویں برسی کے موقع پر جذباتی پیغام شیئر کیا ہے۔
انہوں نے والد کی ایک یادگار تصویر ٹوئٹر پر شیئر کرتے ہوئے کہا کہ ’25 سال پہلے میرے والد کو ہمارے گھر کے باہر قتل کیا گیا تھا، میں انہیں ہمیشہ ایسے آدمی کے طور پر یاد رکھوں گی جو اس زمین پر بے خوف رہا۔‘
فاطمہ بھٹو نے کہا کہ والدکی زندگی میرے لیے ایک تحفہ تھی ، میں ہمیشہ اُن کی شکر گزار رہوں گی۔
اپنے پیغام میں فاطمہ بھٹو نے کہا کہ ہمارے پاس انصاف نہیں ہے لیکن محبت انصاف ہے۔ یہ ہمیشہ رہتی ہے اور یہ کچھ نہیں بھولتی۔
دوسری جانب پیپلز پارٹی کی جانب سےنوڈیرو ہاؤس میں مرتضیٰ بھٹو کے ایصال ثواب کیلیے قران خوانی کی گئی۔