وزیر مملکت برائے اطلاعات فرخ حبیب نے کہا ہے کہ نواز شریف نے کرپشن اور لوٹ مار کی قیمت ادا کی ہے،مسلم لیگ( ن) نے تین بار حکومت کے باوجود ایک ڈیم نہیں بنایا۔
پی ڈی ایم رہنماؤں کو جواب دیتے ہوئے انہوں نے کہا کہ فیصل آباد کو پاور لومز کا قبرستان بنا دیا گیا ہے۔
فرخ حبیب کا کہنا تھا کہ لانگ مارچ کی کہانیاں سنتے سنتے لوگوں کے کان پک چکے ہیں۔
انہو ں نے مزید کہا کہ ان لوگوں نے ہمیشہ ذاتی سلامتی کو قومی سلامتی سے اوپر رکھا، اس لیے کہ آپ کے مودی انکل ناراض ہو جائیں گے۔