پاکستان اور انگلینڈ کے درمیان سائوتھمپٹن میں کھیلے جانے والے پانچ ایک روزہ میچوں کی سیریز کے پہلے ایک روزہ میچ کے موقع پر اس وقت کھیل بارش کی وجہ سےرک گیا ہے۔
میچ کے امپائر صورتحال کا جائزہ لینے کے بعد دوبارہ میچ شروع ہونے کا فیصلہ کرینگے۔ جس وقت امپائروں نے کھیل کو روکا ، اس وقت تک 42.1اوورز کے کھیل میں پاکستان کرکٹ ٹیم نے چاروکٹوں کے نقصان پر 218رنز بنائے تھے۔
وکٹ کیپر بیٹسمین سرفراز احمد 51رنز ناٹ آئوٹ اور شعیب ملک 14رنز پر موجود ہیں۔اس سے قبل کپتان اظہر علی 82،شرجیل خان 16 ،محمد حفیظ 11اور بابر اعظم چالیس رنز بناکر آئو ٹ ہوچکے ہیں۔
یاد رہے کہ پاکستان کے کپتان نے ٹاس جیت کر پہلے بیٹنگ کا فیصلہ کیا تھا۔جبکہ انگلینڈ کی جانب سے عادل رشید نے دو جبکہ مارک ووڈ اور جوئے روٹ نے ایک ایک وکٹ اپنے نام کی ہیں۔