کراچی کے علاقے فیڈرل بی ایریا بلاک 16 میں شہریوں نے دو مبینہ ملزمان کو تشدد کا نشانہ بنایا۔
پولیس کے مطابق رات گئے فیڈرل بی ایریا میں شہریوں نے دو مبینہ ملزمان کو پکڑا اور شدید تشدد کا نشانہ بنایا۔
ملزمان کو تشدد کا نشانہ بنانے کے بعد پولیس کے حوالے کردیا گیا۔
پولیس کے مطابق دونوں ملزمان کی حالت تشویش ناک ہے اور انہیں اسپتال منتقل کردیا گیا ہے۔ علاقہ مکینوں کے مطابق دونوں ملزمان اسٹریٹ کرائمز میں ملوث ہیں۔