عوام کو صحت کی بنیادی سہولیات تک رسائی کو یقینی بنانے کے لئے وفاق اور صوبوں کے درمیان قومی صحت وژن پر دستخط ہوگئے۔ وزیر مملکت سائرہ افضل تارڑ کا کہنا ہے کہ 15 سال بعد مشترکا قومی صحت پالیسی پر اتفاق بڑی کامیابی ہے۔
اسلام آباد میں میڈیا سے گفتگو میں وزیر مملکت برائے قومی صحت نے کہا کہ وفاق اور صوبوں کے درمیان قومی صحت وژن پر دستخط ہو گئے، وژن کے تحت ہرشہری کی صحت کی سہولیات تک رسائی کو یقینی بنایا جائے گا۔
ان کا کہنا ہے کہ یونیورسل ہیلتھ کوریج کا ہدف حاصل کرنے کے لئے بھرپور کوششیں کی جارہی ہیں، مشترکا اہداف کے حصول کے لیے صوبوں کے ساتھ ہرممکن تعاون کیا جائے گا۔