لاہور میں نیشنل کالج آف آرٹس میں سخت سیکورٹی کے بعد دیگر صوبوں سے تعلق رکھنے والے طلبہ کو ہوسٹلز میں رہنے کی اجازت دے دی گئی ہے ۔
اسلام پورہ میں واقع این سی اے ہاسٹلز کو ناقص سیکورٹی کے باعث گزشتہ شب بند کیا گیا تھا، جس کے بعد سیکورٹی اہلکاروں کی تعداد میں اضافہ کردیا گیا، وہاں مقیم طلبا اور طالبات کو گھروں کو جانے کا کہہ دیا گیا تھا۔
پولیس کے مطابق ان ہاسٹلز میں آج سیکورٹی کے مزید اہلکاروں کو تعینات کر دیا گیا ہے،سیکورٹی میں بہتری پر دیگر صوبوں کے طلباء اور طالبات کو ہاسٹلز میں رہنے کی اجازت دے دی گئی ہےجبکہ گھروں کو جانے والے قریبی اضلاع کے طلباء بھی پیر کو واپس آ جائیں گے۔
پولیس کی جانب سے کالج انتظامیہ کو ایک ہفتے کے اندر سیکورٹی انتظامات کو مکمل اور موثر بنانے کی ہدایت کی گئی ہے۔