چین نے فائیو جی موبائل نیٹ ورک پر کام شروع کردیا

چین نے فائیو جی موبائل نیٹ ورک پر کام شروع کردیا ہے، آئندہ دہائی کے دوران اس منصوبے پر چار سو گیارہ کھرب روپے خرچ کیے جائیں گے۔

غیر ملکی اخبار کی رپورٹ کے مطابق جدید فائیو جی موبائل ٹیکنالوجی دوہزار بیس سے تیس کے دوران متعارف کرائی جائے گی۔

ماہرین کا خیال ہے کہ چین فائیو جی کی دنیا کی سب سے بڑی مارکیٹ ہوگی، جس کے صارفین کی تعداد دو ہزار بائیس تک انسٹھ کروڑ کے قریب ہوگی۔

چین فور جی کی بھی دنیا کی سب سے بڑی مارکیٹ ہے جس کے صارفین کی تعداد چوراسی کروڑ سے زائد ہے۔