نابینا خواتین پر مشتمل میوزک بینڈ

زندگی میں کچھ کر دکھانے کا جذبہ اور ہمت موجود ہو تو ناممکن کام کو بھی ممکن بنایا جاسکتا ہے۔ مصر کی نابینا خواتین پر مشتمل آرکسٹرا نے اس کی عملی مثال پیش کردی۔

مختلف آلات موسیقی کو مسحور کن دھنوں پر بجانا کوئی آسان کام نہیں، اس کے لیے شوق اور محنت درکار ہوتی ہے۔

مصر کا النور والعمل نامی یہ آرکسٹرا 44 نابینا خواتین پر مشتمل ہے۔ یہ تمام خواتین فن و موسیقی کی نہایت دلدادہ ہیں تبھی اپنی معذوری کو پچھاڑ کر اپنے شوق کی تکمیل کر رہی ہیں۔

یہ موسیقار خواتین بریل سسٹم پر میوزک نوٹس پڑھ کر انہیں یاد کرتی ہیںاورپھر انتہائی مہارت اور خوبصورتی سے موسیقی پر اپنی انگلیوں کا ایسا جادو بکھیرتی ہیں کہ سننے اور دیکھنے والےحیران رہ جاتے ہیں۔

دنیا کا منفرد ترین یہ آرکسٹرا اس وقت دنیا کے مختلف ممالک میں سفر کر کے اپنے فن کا مظاہرہ کرچکا ہے جہاں ان کے ہمت کی حوصلہ افزائی کی جاتی ہے۔

اس آرکسٹرا کو مصر کا معجزہ بھی کہا جاتا ہے۔