غلط الزامات لگانے پر شریف خاندان کا شکر گزار ہوں، عمران خان

تحریک انصاف کے سربراہ عمران خان نے کہا ہے کہ وہ شریف خاندان کے شکر گزار ہیں کہ جنہوں نے اُن پرغلط الزامات لگائے ، انہی الزامات کی وجہ سے اپنے 40 سال کےریکارڈ کی کھوج کی ۔

سوشل میڈیا پرایک بیان میں عمران خان کا کہنا تھا کہ میں نےخود کو قوم کے سامنے جوابدہی کے لیے پیش کیا ۔ احتساب کے اسی عمل نے شریف خاندان کے مالی جرائم کا پردہ چاک کیا ۔

انہوں نے کہا کہ شریفوں نے منی لانڈرنگ، ٹیکس چوری، اثاثے چھپانے،جھوٹ بولنےاورجعلسازی کاارتکاب کیا،آج شریف خاندان قوم کے سامنے بالکل عیاں ہوچکا ہے۔