عالمی منڈی میں کپاس کے سودوں میں غیر معمولی کمی کے بعد ایک ہفتے میں پنجاب میں فی من روئی سات سو روپے اور سندھ میں پانچ سو روپے سستی ہوگئی ۔
کاٹن جنرز فورم کے چیئرمین احسان الحق نے بتایا کہ عالمی منڈی میں کاٹن کے سودوں میں غیرمعمولی مندی دیکھی جارہی ہے،جس کی وجہ سے مقامی مارکیٹ میں روئی کی قیمت میں مزید سو روپے کمی ہوئی ہے ۔
پنجاب میں فی من روئی کے سودے 6 ہزار روپے اور سندھ میں فی من قیمت 5 ہزار نو سو روپے ہوگئی ہے ۔
کاٹن جنرز فورم کے چیئرمین کا کہنا تھا کہ ایک ہفتے کے دوران پنجاب میں روئی 700 روپے اور سندھ میں 500روپے فی من سستی ہوچکی ہے ۔