پی ٹی آئی اجلاس، وزیر خارجہ کے بیان، وزیر اعظم کی توثیق پر تشویش

چیئرمین پاکستان تحریک انصاف عمران خان کی زیرصدارت اعلیٰ سطح کا اجلاس ہوا جس میں وزیرخارجہ کے دہشت گردی کے خلاف ریاستی پالیسی کے برعکس بیان اور وزیراعظم کی توثیق پراظہار تشویش کیا گیا۔

اجلاس میں شاہ محمود قریشی، جہانگیر ترین اور وزیراعلیٰ خیبر پختونخوا پرویزخٹک شریک ہوئے جس میں ملکی مجموعی سیاسی صورتحال اور آئندہ کے لائحہ عمل پر تبادلہ خیال کیا گیا۔

ترجمان پاکستان تحریک انصاف کے مطابق اجلاس میں خارجہ، دفاع اور قومی سلامتی سے متعلق امور پرناقص اورمبہم حکومتی پالیسی پرمایوسی کا اظہار کیا گیا۔

ترجمان کا کہنا ہے کہ اجلاس میں حکومتی جماعت میں تقسیم اور مستقبل کے امکانات پر بات چیت کی گئی جبکہ سانحہ ماڈل ٹاؤن کی رپورٹ منظرعام پر لانے کے فیصلے کو سراہا گیا۔

پی ٹی آئی ترجمان کے مطابق اجلاس میں رکنیت سازی مہم اورعوامی رابطہ مہم کے مختلف پہلوؤں پربھی تفصیلی بات چیت کی گئی۔