-
فرمان الہی
-
نماز کے اوقات
- بدھ 29؍شوال المکرم 1445ھ 8؍مئی 2024ء
- بانی: میرخلیل الرحمٰن
- گروپ چیف ایگزیکٹووایڈیٹرانچیف: میر شکیل الرحمٰن
فرمان الہی
نماز کے اوقات
چین کو کوریائی تنازع پر مستقبل کی منصوبہ بندی کی ضرورت ہے،جنگ کے حقیقی امکان پر چین کا تیار ہونا ضروری ہے،منصوبہ بندی میں شمالی کوریا کے ایٹمی ہتھیار، پناہ گزینوں کی آمد، سماجی آرڈر کی بحالی،تصادم کی صورت میں بحران کے بعد سیاسی انتظامات کو مد نظر رکھنا ہو گا۔
چینی فوج کو ضروری سہولتیں اور مقامات کو محفوظ بنانے، پناہ گزینوں کے بحران اور ایٹمی اثرات کو روکنے، اور بین الاقوامی معاہدے میں اچھی حیثیت کو یقینی بنانے کے لئے تیزی سے آگے بڑھ کر کام کرنا ہو گا۔
چینی میڈیا نے مختلف تجزیہ کاروں کے حوالے سے بتایا ہے کہ پیکنگ یونیورسٹی کے بین الاقوامی تعلقات کے پروفیسر جیا کنگ گاؤ نے کہا ہے کہ چین کو کوریائی تنازع پر مستقبل کی منصوبہ بندی کی ضرورت ہے۔
جیلن یونی ورسٹی نارتھ کوریا کے ایک ماہر سن شنگ جی کا کہنا ہے کہ جنگ کے لئے ابھی ہمیں تیار رہنا ہو گا۔ کیونکہ سیؤل اور واشنگٹن دونوں اپنے اپنے موقف پر نہ صرف قائم ہیں بلکہ وہ اپنے قول اور افعال کے ذریعے کشیدگی کو بڑھاو دے رہے ہیں ۔
ایسے بیانات ممکنہ جنگ میں تبدیل ہو سکتے ہیں پہل جو بھی کرے نقصان کا اندازہ نہیں ۔ چین کو بھی اس جنگ کے لئے تیار رہنا چاہئے اس جنگ کا سب سے زیادہ اثر چین پر ہو گا۔ صورت حال سے نمٹنے کے لیے بوقت ضرورت چین کو تیار رہنا ہوگا ورنہ اسے پریشانی کا سامنا نہ کرنا پڑےگا ۔
چینی سرکاری ادارے کی رپورٹ کے مطابق سینٹرل فوجی کمیشن کے نائب چیئرمین جنرل زی قلیانگ نے چین کے شمالی علاقے کا دورہ بھی کیا ہے۔
