ٹنڈومحمد خان:بلاول آج امراض قلب کے اسپتال کا افتتاح کریں گے

ٹنڈومحمد خان میں امراض قلب کے اسپتال کی تعمیر مکمل ہوگئی ہے،چیئرمین پاکستان پیپلزپارٹی بلاول بھٹوزرداری آج اسپتال کا افتتاح کریں گے۔

پیپلزپارٹی کے چیئرمین بلاول بھٹوزرداری آج ٹنڈومحمدخان پہنچیں گے ،جہاں وہ امراض قلب اسپتال کا افتتاح کریں گے۔

انتظامیہ کا کہنا ہے کہ سٹیلائٹ ڈیجیٹل شہید بےنظیربھٹو کارڈک کیئراسپتال سندھ کےعوام کےلئے ایک تحفہ ہے۔اسپتال میں بہت جلداوپن ہارٹ سرجری بھی ممکن ہوگی۔

اسپتال کے افتتاح سےحیدرآباد،ٹھٹھہ،بدین،مٹھی میرپورخاص سمیت دیگر شہروں کے عوام مستفید ہوسکیں گے۔

اسپتال کی تعمیر دوسال میں 55کروڑ روپے کی لاگت سے مکمل ہوئی ہے۔