| |
Home Page
جمعرات 04 ربیع الاوّل 1439ھ 23 نومبر 2017ء
November 14, 2017 | 11:34 am

پنجاب اوربلوچستان کے مختلف علاقوں میں بارش

Rain In Different Area Of Punjab And Balochistan

پنجاب اور بلوچستان کے شمال مشرقی علاقوں میں آج دوسرے روز بھی وقفے وقفے سے بارش کا سلسلہ جاری ہے، لاہور میں ہلکی بارش کے بعد دھند میں کمی ہوگئی ،وادی زیارت میں برفباری سے درجہ حرارت منفی4 ڈگری تک گرگیا،صوبہ خیبرپختونخوا میں ڈیرہ اسماعیل خان ،لکی مروت ،، شمالی اور جنوبی وزیرستان میں بھی بارش سے موسم سرد ہوگیا۔

سرگودھا اور فیصل آباد میں موسم سرما کی پہلی بارش نے کئی روز سے جاری دھند اور اسموگ کا زور توڑ دیا،،وہاڑی،چیچہ وطنی ،منڈی بہاالدین، بہاولپور،بھکر،خانیوال،حافظ آباد سمیت پنجاب کے کئی شہروں میں بارش سے گرد آلود موسم کا خاتمہ ہوگیا۔

شمال مشرقی بلوچستان میں چمن،قلعہ عبداللہ ،گلستان، توبہ اچکزئی، توبہ کاکڑی میں وقفے وقفے سے کبھی تیز اور کبھی ہلکی بارش کا سلسلہ دوسرے روز بھی جاری ہے،وادی زیارت کے نواحی علاقوں میں برفباری سے سڑکوں پر پھسلن ہوگئی ہے،ژوب شہر اور لورالائی کے نواحی علاقوں میں موسلادھار بارش جاری ہے۔

خیبرپختونخوا کےشہرڈیرہ اسماعیل خان،لکی مروت سمیت شمالی اور جنوبی وزیرستان کےبھی مختلف علاقوں میں بارش کے باعث مختلف علاقوں میں چھائی
گرد آلود دھند میں کمی کےساتھ سردی میں بھی اضافہ ہوگیاہے۔