ڈنیڈن: سیریز بچانے کیلئے پاکستان کی پریکٹس شروع

11 جنوری ، 2018

To Save Series Pakistan Starts Training In Dunedin

پاکستان کرکٹ ٹیم نے ڈنیڈن میں تیسرے ون ڈے کے لیے تیاریاں شروع کردیں ہیں، انجری کے باعث دوسرے ون ڈے سے باہر ہونے والےفخر زمان نے بھی ٹریننگ میں حصہ لیا۔

ڈنیڈن میں تیسرا ون ڈے ہفتے کو کھیلا جائے گا، جس کےلیے ٹیم بھرپور تیاری کر رہی ہے اور کھلاڑیوں نے گراؤنڈ کےعلاوہ جم میں بھی محنت کی ۔

ادھر ٹیم فزیو تھراپسٹ ویب سنگھ کہتے یں فخر زمان کی انجری کافی بہتر ہو گئی ہے، انہوں نے دوڑنا بھی شروع کر دیا ہے۔

دوسری جانب بیٹنگ کوچ گرانٹ فلار کہتے ہیں کہ کھلاڑی باؤنسی وکٹ پر کھیلنے کے عادی ہو رہے ہیں، نیوزی لینڈ کا بولنگ اٹیک اچھا ہے جس سے پلیئرز دباؤ میں آئے۔

انہوں نے مزید کہا کہ 2 ون ڈے میچوں میں شکست کے بعد کیویز کے خلاف سیریز میں واپسی کے لیے پاکستان ٹیم کے پاس آخری موقع ہے ۔

تازہ ترین