کراچی کےعلاقے ڈیفنس میں اے سی ایل سی کےاہلکاروں کی فائرنگ سے جاں بحق نوجوان انتظار احمد کی پوسٹ مارٹم رپورٹ جیو نیوز نے حاصل کرلی، رپورٹ کے مطابق سر پر لگنےوالی گولی جان لیوا ثابت ہوئی۔
رپورٹ کےمطابق مقتول انتظار کو دائیں کان کے پیچھے ایک گولی لگی جو سر سے پار ہوگئی، مقتول انتظار کے جسم پر کسی اور گولی یا تشدد کے نشان نہیں ملے۔
رپورٹ کے مطابق انتظار کو مردہ حالت میں اسپتال لایا گیا تھا، اس کے کپڑے خون آلود تھے، انتظار کی عمر 20 سے 22 سال تھی۔
یاد رہے کہ 13 جنوری کی رات ڈیفنس میں اے سی ایل سی کے اہلکاروں نے گاڑی نہ روکنے پر فائرنگ کردی تھی، جس سےانتظار موقع پر دم توڑ گیا تھا۔