اقوام متحدہ کے سیکریٹری جنرل انتونیو گوئتریز نے عاصمہ جہانگیر کی وفات پر دکھ کا اظہار کرتے ہوئے کہا کہ دنیا انسانی حقوق کی ایک بڑی علمبردار سے محروم ہو گئی ،انہوں کبھی بھلایا نہیں جاسکتی۔
اپنے بیان میں اقوام متحدہ کے سیکریٹری جنرل نے عاصمہ جہانگیر کو بہادر،بااصول اور مہربان شخصیت کی حامل قرار دیا۔
ان کا کہناتھاکہ عاصمہ جہانگیرنے پاکستان میں انصاف کے وکیل اور عالمی سطح پر انسانی حقوق کی کارکن کے حیثیت سے عوام کے حقوق کے لئے انتھک کام کیا۔
مرحومہ کے اہل خانہ اور ساتھیوں سے اظہار تعزیت کرتے ہوئے انتونیو گوئیتریز نے کہا کہ عاصمہ جہانگیر کو کبھی بھلایا نہیں جاسکے گا۔