راولپنڈی (خصوصی نمائندہ) قائدملت جعفریہ پاکستان علامہ سید ساجد علی نقوی نے 17ربیع الاول کی مناسبت سے ہفتہ وحدت کے اختتام پرپیغام میں کہا ہے کہ پیغمبر گرامی، خاتم النبین ؐ ‘ رحمت العالمینؐ ‘ منجی بشریت کی ذات بابرکات امت مسلمہ کے درمیان وحدت و اخوت اور بھائی چارے کا مرکز و محور ہے۔ امام جعفر صادقؓ نے جس طرح مختلف شعبہ ہائے حیات میں امت مسلمہ کی رہبری و رہنمائی کی وہ تاریخ اسلام کا ایک روشن باب ہے۔امت واحدہ کیلئے معمولی نوعیت کے جزوی اور فروغی اختلافات کو پس پشت ڈالنا ہوگا ۔