بلاول بھٹو کی پاکستان ٹیم کی فتح پر قوم کو مبارک باد

پاکستان پیپلز پارٹی (پی پی پی) کے چیئرمین بلاول بھٹو زرداری نے بھارت کیخلاف ٹی20 ورلڈ کپ میں قومی ٹیم کی فتح پر قوم کو مبارک باد دی ہے۔

ایک بیان میں پی پی چیئرمین نے کہا کہ بابر اعظم، محمد رضوان اور شاہین شاہ آفریدی سمیت پوری پاکستانی ٹیم نے بہترین کارکردگی کا مظاہرہ کیا۔

انہوں نے کہا کہ ٹی20 کرکٹ ورلڈکپ میں روایتی حریف بھارت کو شکست دے کر قومی ٹیم نے ہر پاکستانی کا سر فخر سے بلند کردیا۔

شکست کی روایت ٹوٹ گئی، پاکستان نے ورلڈکپ میں بھارت کو ہرادیا

بھارت کے 152 رنز کے ہدف کے تعاقب میں محمد رضوان اور کپتان بابراعظم نے گرین شرٹس کی اننگز کا آغاز کیا ہے۔

بلاول بھٹو زرداری نے مزید کہا کہ یہ وقت ہے کہ کرکٹ کھیلنے والے ممالک اپنی ٹیم بھیج کر پاکستان میں انٹرنیشنل کرکٹ کی بحالی میں اپنا کردار ادا کریں۔

پاکستان کی بھارت کیخلاف فتح قابل فخر لمحہ ہے، رمیز راجا

پاکستان کرکٹ بورڈ (پی سی بی) چیئرمین رمیز راجا نے بھارت کے خلاف پاکستان کی تاریخ فتح کو قابل فخر لمحہ قرار دیا ہے۔

سماجی رابطے کی ویب سائٹ پر بلاول بھٹو زرداری نے میچ کے آغاز سے قبل قومی ٹیم کے لیے نیک تمناؤں کا اظہار کیا تھا وہیں فتح کے ساتھ انہیں مبارک باد دی۔