احد رضا میر نے پینگوئن کو دوست بنا لیا

کراچی (آئی این پی) معروف اداکار احد رضا میر کو سیر و سیاحت کے دوران ایک نیا دوست مل گیا۔احد رضا میر نے فوٹو اینڈ ویڈیو شیئرنگ ایپ انسٹا گرام پر اپنی ایک تصویر شیئر کی جس میں ان سے کچھ فاصلے پر ایک پینگوئین بھی نظر آرہا ہے۔انہوں نے اپنی یہ تصویر شیئر کرتے ہوئے لکھا کہ انہوں نے نیا دوست بنا لیا ہے۔ اداکار نے پینگوئین کے بارے میں لکھا کہ پینگوئین نے کچھ کہا تھا لیکن وہ اس کی بات سمجھ نہیں سکے۔ احد رضا میر نے اپنے نئے دوست کے ساتھ اپنی تصویر شیئر کرتے ہوئے اپنے مداحوں سے ان کے پسندیدہ جانوروں کے بارے میں بھی پوچھا۔ اس پوسٹ کو مداحوں نے سوشل میڈیا پر بہت پسند کیا ہے اور مختلف قسم کے دلچسپ تبصرے بھی کیے جارہے ہیں۔