• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سندھ، پنجاب اور آزاد کشمیر میں آج بھی مہنگائی کے معاملے پر مظاہرے


اپوزیشن اتحاد پی ڈی ایم، سول سوسائٹی، ن لیگ اور پاور لومز ورکرز نے الگ الگ مظاہرے کیے۔

مظفر آباد میں روٹیاں اور برتن اٹھائے مظاہرین سڑکوں پر نکل آئے جبکہ ملتان، جھنگ، منڈی بہاء الدین، نوشہرو فیروز، میرپور خاص اور ایبٹ آباد میں بھی احتجاج کیا گیا۔

ملتان میں پاور لومز ایسوسی ایشن نے مہنگائی کے خلاف احتجاج کیا، جن کا کہنا تھا کہ بجلی، گیس، پٹرول اور دھاگا مسلسل مہنگا ہورہا ہے، انڈسٹری تباہی کے دہانے پر پہنچ چکی ہے۔

جھنگ میں پی ڈی ایم کے تحت پریس کلب کے سامنے مظاہرہ کیا گیاجبکہ حافظ آباد میں خواتین نے روٹیاں لٹکا کر احتجاج کیا۔

منڈی بہاء الدین میں بھی مسلم لیگ ن نے مہنگائی کے خلاف ضلع کونسل ہال سے کنگ چوک تک احتجاجی ریلی نکالی۔

نوشہرو فیرومیں ٹھارو شاہ چوک سے پریس کلب تک ریلی نکالی گئی جبکہ میرپورخاص میں مسلم لیگ نون نے مہنگائی کے خلاف اجرواری چوک پر احتجاج کیا۔

مظفرآباد میں سول سوسائٹی، سیاسی اور سماجی کارکن مہنگائی کے خلاف روٹیاں اور برتن اٹھائے سڑکوں پر نکل آئے اور پریس کلب سے عزیز چوک اڈا ڈھکی تک مارچ کیا۔

ہٹیاں بالا آزاد کشمیر میں مسلم لیگ ن نے مہنگائی کے خلاف پریس کلب کے سامنے احتجاج کرتے ہوئے شاہراہ سرینگر بلاک کردی۔

ایبٹ آباد میں مہنگائی کے خلاف ایم این اے مرتضیٰ جاوید عباسی کی قیادت میں مسلم لیگ ن نے احتجاجی ریلی نکالی۔

قومی خبریں سے مزید