• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

نسلہ ٹاور متاثرین کیلئے مصطفیٰ کمال نے فارمولا پیش کردیا

چیئرمین پاک سرزمین پارٹی (پی ایس پی) مصطفیٰ کمال کا کہنا ہے کہ تمام بلڈرز حکومت کو دی جانے والی سالانہ فیس نسلہ ٹاور متاثرین کے لیے جمع کریں اور بعد میں حکومت کو یہ فیس کاٹ کر ادا کریں۔

پی ایس پی چیئرمین مصطفیٰ کمال نے نسلہ ٹاور متاثرین سے ملاقات کی جس میں انہوں نے  یوٹیلٹی کنکشن کاٹنے پر حکومت کو آڑے ہاتھوں لیا اور کہا کہ عدلیہ نے رہائشیوں کو پہلے ادائیگیوں کا حکم دیا تھا۔

انہوں نے نسلہ ٹاور متاثرین کیلئے فارمولا پیش کیا اور کہا کہ تمام بلڈرز حکومت کو سالانہ دی جانیوالی فیس نسلہ متاثرین کےپول میں جمع کر دیں۔

مصطفیٰ کمال نے کہا کہ بعد میں یہ بلڈرزحکومت کودی جانےوالی فیس میں سے پیسے کاٹ کر ادا کریں۔

واضح رہے کہ نسلہ ٹاور کو خالی کرنے کی مدت کا آج آخری روز ہے، عمارت میں ابھی بھی افراد رہائش پذیر ہیں، آہستہ آہستہ سامان کی منتقلی جاری ہے، رہائشیوں نے عدالت سے اپیل کی ہے کہ مکینوں کو معاوضہ دیئے بغیر عمارت نہ گرائی جائے۔

قومی خبریں سے مزید