سکھر(بیور ورپورٹ) سندھ انٹر اسکول انڈر 18 ہاکی چیمپئن شپ دادو نے جیت لی ۔ سکھر میں کھیلی جانے والی چیمپئن شپ کا فائنل ڈسٹرکٹ اور سکھر کے مابین کھیلا گیا جس میں دادو نے1-4 سے فتح حاصل کی۔ دادو کی جانب سے وقار نے 2، عبدالقادر اور سبحان نے 1،1گول اسکور کیا، جبکہ سکھر کا واحد گول حارث سومرو نے بنایا۔ تقریب تقسیم انعامات کے مہمان خصوصی سابق ڈائریکٹر اسپورٹس محمد حسن بلوچ تھے۔ تقریب تقسیم انعامات سے خطاب کرتے ہوئے انہوں نے کہا کہ اسکولوں کی سطح پر سندھ بھر میں انٹرڈسٹرکٹ ہاکی چیمپئن شپ کا انعقاد خوش آئند ہے ۔ سندھ ہاکی ایسوسی ایشن کے سیکریٹری اور چیمپئن شپ کے آرگنائزر محمد رمضان جمالی نے بتایا کہ چیمپئن شپ میں عمدہ کارکردگی دکھانے والے کھلاڑیوں پر مشتمل سندھ کی تین ٹیمیں تشکیل دی جائیں گی جو اسلام آباد میں ہونے والی انڈر18ہاکی چیمپئن شپ میں حصہ لیں گی۔
فرمان الہی
نماز کے اوقات
