شاہد خاقان کیخلاف نیب ریفرنس کی سماعت ملتوی

کراچی کی احتساب عدالت میں سابق وزیر اعظم شاہد خاقان عباسی و دیگر ملزمان کے خلاف پی ایس او میں غیر قانونی بھرتیوں سے متعلق نیب ریفرنس کی سماعت 18 نومبر تک ملتوی کردی گئی۔

پی ایس او میں غیر قانونی بھرتیوں سے متعلق نیب ریفرنس میں سابق وزیر اعظم شاہد خاقان عباسی و دیگر ملزمان عدالت میں پیش ہوئے جبکہ نیب کی جانب سے ریفرنس کے گواہ بھی عدالت میں پیش ہوئے۔

نیب آرڈیننس، جج بھی پریشان ہیں کہ کیا کیا جائے، شاہد خاقان

مسلم لیگ نون کے رہنما اور سابق وزیر اعظم شاہد خاقان عباسی کاکہنا ہے کہ نیب کا نیا قانون بھی آگیا ہے، کسی کو یہ قانون ابھی تک سمجھ نہیں آیا، اب تو جج بھی پریشان ہیں کہ کیا کیا جائے، یہ نیب آرڈیننس بد نیتی پر مبنی ہے۔

عدالت میں ریفرنس کے شریک ملزم شیخ عمران کی جانب سے درخواست دائر کی گئی، وکیل ملزم نے کہاکہ نیب ترمیمی آرڈیننس کے بعد احتساب عدالت میں ریفرنس کی سماعت نہیں ہوسکتی۔

اس موقع پر احتساب عدالت نے آئندہ سماعت پر نیب سے جواب طلب کرلیا جس کے بعد ریفرنس کی مزید سماعت 18 نومبر تک ملتوی کردی گئی۔