منشیات کیس: شاہ رخ خان کے بیٹے آریان خان 3 ہفتے بعد جیل سے رہا

ممبئی کروز شِپ منشیات کیس میں گرفتار بالی ووڈ کنگ شاہ رخ خان کے بیٹے آریان خان کو رہا کردیا گیا، منّت پہنچنے پر شاہ رخ خان کے مداحوں نے ڈھول کی تھاپ میں آریان خان کا استقبال کیا۔

بھارتی میڈیا رپورٹس کے مطابق شاہ رخ خان کے بیٹے آریان خان کو آرتھر روڈ جیل سے ضمانت پر رہائی مل گئی ہے۔

3 ہفتے بعد آریان خان کی ضمانت:

یاد رہے کہ گزشتہ روز ممبئی ہائی کورٹ کی طرف سے آریان خان کی ضمانت کا  تفصیلی حکم جاری کیا گیا۔

شاہ رخ خان کی جیل میں آریان سے ملاقات، ویڈیو وائرل

بالی ووڈ کنگ شاہ رخ خان نے آج صبح ممبئی کی آرتھر جیل میں اپنے بیٹے آریان خان سے ملاقات کی جس کی ویڈیو سوشل میڈیا پر وائرل ہوگئی۔

آریان خان کی ضمانت کی شرائط: 

شرط نمبر 1:

این ڈی پی ایس عدالت کی پیشگی اجازت کے بغیر ملک چھوڑنے پر پابندی تھی۔ ان سے کہا گیا ہے کہ وہ اپنا پاسپورٹ عدالت میں جمع کرادیں۔ 

شرط نمبر 2:

انہیں سوشل میڈیا یا میڈیا ہاؤسز پر کارروائی کے بارے میں کوئی بیان دینے سے بھی منع کیا گیا ہے۔

آریان خان کی ضمانت تک شاہ رخ خان کے گھر میٹھا نہیں بنے گا

بالی ووڈ کنگ شاہ رخ خان کی اہلیہ گوری خان نے اپنے گھر ’منت‘ کے ملازمین کو ہدایت دی ہے کہ اُن کے بیٹے آریان خان کو ضمانت نہ ملنے تک گھر میں کسی قسم کا کوئی میٹھا پکوان نہیں بنے گا۔

شرط نمبر 3:

آریان خان کو اپنے تفتیشی افسر کو بتائے بغیر ممبئی سے باہر جانے کی اجازت نہیں ہے۔ 

شرط نمبر 4:

آریان خان سے یہ بھی کہا گیا ہے کہ وہ ہر جمعہ کو صبح 11 بجے سے دوپہر 2 بجے کے درمیان این سی بی کے دفتر میں اپنی موجودگی ظاہر کریں گے۔

کسی بھی شرط کی خلاف ورزی آریان خان کی ضمانت منسوخی کا باعث بن سکتی ہے۔

آریان خان کورونا ٹیسٹ منفی آنے کے بعد کامن سیل منتقل

ممبئی کروز شپ منشیات کیس میں بالی ووڈ کنگ شاہ رخ خان کے بیٹے آریان خان کو کورونا ٹیسٹ منفی آنے کے بعد کامن سیل منتقل کردیا گیا ہے۔

ممبئی کروز شِپ منشیات کیس کا پسِ منظر

2 اکتوبر:

رواں ماہ 2 اکتوبر کو نارکوٹکس کنٹرول بیورو (این سی بی) کی جانب ممبئی کروز شِپ پر چھاپہ مارا گیا جہاں بالی ووڈ کنگ شاہ رخ خان کے بڑے بیٹے آریان خان کو اُن کے دوستوں سمیت منشیات استعمال کرنے کے الزام میں حراست لیا گیا۔

آریان خان کیس سلمان خان اور شاہ رخ خان کے خاندانوں کو کیسے قریب لایا؟

ممبئی کروز شِپ منشیات کیس میں آریان خان کی گرفتاری نے بالی ووڈ کے خانز سلمان اور شاہ رخ کے خاندانوں کو ایک دوسرے کے قریب کردیا ہے اور دونوں خاندان ملکر آریان کی رہائی کے لیے کوششیں کررہے ہیں۔

3 اکتوبر:

رواں ماہ 3 اکتوبر کو نارکوٹکس کنٹرول بیورو (این سی بی) کی جانب سے اس خبر کی تصدیق کی گئی آریان خان سمیت دیگر افراد منشیات استعمال کرنے کے الزام میں زیرِ حراست ہیں۔

اس کے بعد شاہ رخ خان کے بیٹے اور دیگر زیرِ حراست افراد کا میڈیکل ٹیسٹ کیا گیا۔

آریان خان آج رات بھی جیل میں گزاریں گے

کاغذی کارروائی مکمل نہ ہونے کے باعث آریان خان کو آج رات بھی جیل میں گزارنا پڑے گی۔

4 اکتوبر: 

4 اکتوبر کو آریان خان کی ضمانت کے لیے ممبئی کی خصوصی عدالت میں پہلی سماعت ہوئی جس میں آریان خان سمیت دیگر افراد کو 11 اکتوبر تک این سی بی کی حراست میں رکھنے کا حکم دیا گیا۔

اسی سماعت کے دوران آریان خان کے وکیل نے دلیل پیش کی کہ آریان خان کے پاس سے کوئی منشیات برآمد نہیں ہوئی۔

آریان خان نے اننیا سے گانجے کا انتظام کرنے کا کہا تھا: این سی بی ذرائع

بھارت کے انسدادِ منشیات ادارے نارکوٹکس کنٹرول بیورو (این سی بی) کے ذرائع نے دعویٰ کیا ہے کہ بالی ووڈ کنگ شاہ رخ کے بیٹے آریان خان نے اننیا پانڈے سے گانجے کا بندوبست کرنے کا کہا تھا۔

7 اکتوبر: 

7 اکتوبر ممبئی کی عدالت نے آریان خان سمیت دیگر 7 ملزمان کو 14 دن کی عدالتی تحویل میں بھیجا۔

8 اکتوبر: 

8 اکتوبر کو آریان خان کو ممبئی آرتھر روڈ جیل منتقل کیا گیا۔

10 اکتوبر: 

10 اکتوبر کو نارکوٹکس کنٹرول بیورو (این سی بی) نے شاہ رخ خان کے ڈرائیور کا بیان لیا۔

سمیر واکھنڈے دینِ اسلام کی پیروی کرتے ہیں: سابقہ اہلیہ کے والد کا دعویٰ

بھارتی اداراے اینٹی نارکوٹکس بیورو ’ این سی بی‘ کے نمائندے، شاہ رُخ خان کے بیٹے آریان خان کے منشیات کیس کی قیادت کرنے والے سمیر واکھنڈے کی سابقہ اہلیہ کے والد ڈاکٹر زید قریشی نے دعویٰ کیا ہے کہ سمیر واکھنڈے دینِ اسلام کی پیروی کرتے ہیں اور نماز بھی پڑھتے ہیں۔

11 اکتوبر: 

11 اکتوبر کو ممبئی کی عدالت نے آریان خان کی درخواستِ ضمانت پر سماعت 13 اکتوبر تک ملتوی کی اور این سی بی سے اُن کا جواب عدالت میں جمع کروانے کا حکم دیا۔

14 اکتوبر:

14 اکتوبر کو ممبئی کی عدالت نے آریان کی درخواستِ ضمانت پر فیصلہ محفوظ کر لیا۔

ممبئی کی عدالت نے آریان خان کو مزید 20 اکتوبر تک جیل میں رہنے کا حکم دیا۔

شاہ رخ خان اور آریان کی ملاقات کا دورانیہ کتنا تھا؟

آریان خان کی درخواستِ ضمانت مسترد ہونے کے ایک دن بعد شاہ رخ خان نے آج صبح اپنے بیٹے سے ممبئی کی آرتھر جیل میں 18 منٹ تک ملاقات کی۔

 20 اکتوبر: 

20 اکتوبر کو ممبئی کی خصوصی عدالت میں آریان خان کی درخواستِ ضمانت پر سماعت ہوئی جس میں اُن کی ضمانت مسترد کردی گئی۔

21 اکتوبر:

21 اکتوبر کو بالی ووڈ کنگ شاہ رخ خان نے ممبئی کے آرتھر روڈ جیل میں اپنے بیٹے آریان خان سے ملاقات کی۔

اسی دوران آریان خان کے وکیل نے ممبئی ہائی کورٹ سے آریان خان کی ضمانت کے لیے رجوع کیا۔

منشیات کیس، شاہ رخ خان کے بیٹے آریان خان کو کب رہا کیا جائے گا؟

منشیات برآمدگی کیس میں ضمانت مل جانے کے بعد بالی ووڈ کنگ خان شاہ رخ خان کے بیٹے آریان خان کو کل آرتھر روڈ جیل سے رہا کردیا جائے گا۔

26 اکتوبر:

26 اکتوبر کو بمبئی ہائی کورٹ نے آریان خان کی درخواستِ ضمانت کی سماعت شروع کی لیکن فیصلہ نہیں سُنایا گیا۔

28 اکتوبر:

28 اکتوبر کو بالآخر ممبئی ہائی کورٹ کی جانب سے آریان خان کی درخواستِ ضمانت منظور کرلی گئی۔