آریان خان نے اننیا سے گانجے کا انتظام کرنے کا کہا تھا: این سی بی ذرائع

بھارت کے انسدادِ منشیات ادارے نارکوٹکس کنٹرول بیورو (این سی بی) کے ذرائع نے دعویٰ کیا ہے کہ بالی ووڈ کنگ شاہ رخ کے بیٹے آریان خان نے اننیا پانڈے سے گانجے کا بندوبست کرنے کا کہا تھا۔

بھارتی میڈیا رپورٹس کے مطابق گزشتہ روز اننیا پانڈے سے پوچھ گچھ کے دوران نارکوٹکس کنٹرول بیورو (این سی بی) نے اداکارہ سے آریان خان اور اُن کی واٹس ایپ چیٹس سے متعلق گفتگو بھی کی۔

ذرائع نارکوٹکس کنٹرول بیورو کے مطابق این سی بی نے اننیا پانڈے کو آریان خان کے ساتھ کی جانے والی اُن کی واٹس ایپ چیٹ دکھائی جس میں آریان خان نے اداکارہ سے پوچھا تھا کہ ’کیا منشیات (گانجا) کے انتظامات کیے جا سکتے ہیں؟‘

منشیات کیس: اننیا پانڈے آج صبح 11 بجے NCB کے دفتر طلب

بھارت کے انسدادِ منشیات ادارے نارکوٹکس کنٹرول بیورو (این سی بی) نے ممبئی کروز شِپ منشیات کیس میں بالی ووڈ کی نوجوان اداکارہ اننیا پانڈے کو آج صبح 11 بجے پوچھ گچھ کے لیے اپنے دفتر طلب کرلیا۔

آریان خان کے پوچھنے پر اننیا پانڈے نے کہا تھا کہ ’میں منشیات کا بندوبست کرلوں گی۔‘

این سی بی ذرائع کے مطابق جب اُنہوں نے اننیا پانڈے سے واٹس ایپ چیٹ کے حوالے سے سوال کیا تو اُن کا کہنا تھا کہ وہ آریان خان سے مذاق کررہی تھیں۔

واضح رہے کہ گزشتہ روز منشیات کے سلسلے میں نارکوٹکس کنٹرول بیورو (این سی بی) نے بالی ووڈ کی نوجوان اداکارہ اننیا پانڈے کے گھر چھاپہ مارا تھا۔

منشیات کیس: اننیا پانڈے ابھی تک NCB آفس نہیں پہنچ سکیں

ممبئی کروز شِپ منشیات کیس میں بالی ووڈ کی نوجوان اداکارہ اننیا پانڈے کو آج صبح پوچھ گچھ کے لیے ادارے نارکوٹکس کنٹرول بیورو (این سی بی) نے اپنے دفتر طلب کیا تھا لیکن ایک گھنٹہ گُزرنے کے باوجود بھی وہ اب تک پہنچ نہ سکیں۔

بھارتی میڈیا کے مطابق ممبئی کروز شِپ منشیات کیس میں این سی بی کی جانب سے جو واٹس ایپ چیٹس عدالت میں پیش کی گئی تھیں اُن میں اداکارہ اننیا پانڈے کی چیٹس بھی شامل تھیں اور اسی وجہ سے اُن کے گھر چھاپہ مار کر اُنہیں پوچھ گچھ کے لیے طلب کیا گیا تھا۔

کروز شپ مشنیات کیس کا پسِ منظر

بھارت کے انسدادِ منشیات ادارے نارکوٹکس کنٹرول بیورو (این سی بی) کی جانب سے ممبئی کے ساحل پر 3 اکتوبر کو ایک کروز شپ پر پارٹی کے دوران چھاپہ مار کر شاہ رخ خان کے بیٹے آریان خان کو گرفتار کیا گیا تھا۔

نارکوٹکس کنٹرول بیورو (این سی بی) نے ممبئی کروز شِپ منشیات کیس میں آریان خان کی اپنی آنے والی فلم کی ساتھی اداکارہ کے ساتھ منشیات کے حوالے سے کی جانے والی واٹس ایپ چیٹ بھی عدالت میں پیش کی تھیں۔

جب اننیا پانڈے نے شاہ رخ خان کو اپنا ’والد‘ کہا تھا

بھارت کے انسدادِ منشیات ادارے نارکوٹکس کنٹرول بیورو (این سی بی) کے اننیا پانڈے کے گھر چھاپے کے بعد اداکارہ کا وہ انٹرویو وائرل ہورہا ہے جس میں اُنہوں نے شاہ رخ خان کو اپنا والد کہا تھا۔

میڈیا رپورٹس کے مطابق واٹس ایپ چیٹس سے ظاہر ہو رہا تھا کہ آریان خان اور اداکارہ کے درمیان منشیات کے بارے میں بات چیت ہوئی تھی۔