کوئٹہ (سٹی ڈیسک)لائیو اسٹاک ورکرز یونین رجسٹرڈ بلوچستان کے مرکزی صدر عبدالظاہر رئیسانی جنرل سیکرٹری جانان خان کاکڑ ڈپٹی جنرل سیکرٹری یونس قریشی آفس سیکرٹری محمد انور کاکڑ سیکرٹری مالیات منظور درانی نے سبی کا دورہ کیا اور سبی میں لائیو اسٹاک ورکرز یونین سبی زون کے مطالبات پر مقامی انتظامیہ سے ملاقات کی اس موقع پر ای ڈی او لائیو اسٹاک سبی سپرنٹنڈنٹ محمد انورخجک انچارج شیر محمد سے سبی زون یونین کے مطالبات پر بات چیت ہوئی اس موقع پر لائیو اسٹاک ورکر یونین سبی زون کے صدر محمد صلاح سیلاچی اوردیگر عہدیدار بھی مرکزی رہنمائوں کے ہمراہ تھے یونین کے مرکزی و زونل نمائندوں نے بیف سینٹرسبی ڈیری فارمز فیلڈ فارمز ڈسپنسری کے ادارہ جاتی اورملازمین کو درپیش مسائل پیش کئے ای ڈی اواور انتظامیہ افسران نے یونین کے مرکزی زونل نمائندوں کو یقین دلایا کہ ان کے تمام جائز مسائل فوری حل کیے جائینگے یونین کے نمائندوں نے ان کا شکریہ ادا کرتے ہوئے کہاکہ ملازمین کا نمائندہ یونین محکمے کے افسران اور ملازمین میں مثالی تعلقات استوار کرنا ملازمین کے تمام مسائل کا حل افہام و تفہیم سے نکالنا یونین کی اولین ترجیح ہے اجلاس کے اختتام پر مرکزی اور زونل نمائندوں کے علاوہ انتظامی افسران کے اعزاز میں مقامی ہوٹل میں ظہرانے کا اہتمام کیا گیا۔
فرمان الہی
نماز کے اوقات
