فرمان الہی
نماز کے اوقات
بھارت کو کیویز کے ہاتھوں عبرتناک شکست کے بعد بالی ووڈ اداکار اور فلمی ناقد کمال راشد خان المعروف کے آر کے نے اپنی کرکٹ ٹیم کو ایک مفید مشورہ دے دیا ۔
کے آر کے نے مائیکرو بلاگنگ ویب سائٹ ٹوئٹر پر بھارت کی اہم میچ میں نیوزی لینڈ سے شکست کے بعد بھارتی کرکٹ ٹیم کو مشورہ دیتے ہوئے لکھا کہ ’ ہندوستان پہلے ہی آئی سی سی ٹی 20 ورلڈ کپ 2021 سے باہر ہوگیا ہے لہٰذا اب بھارت کو نیوزی لینڈ کو سیمی فائنل سے باہر کرنے کے لیے جان بوجھ کر باقی کے 3 میچ ہارنے چاہئیں۔‘
انہوں نے مزید لکھا کہ ’ اس طرح ان تین چھوٹی ٹیموں کو بھی خوشی ملے گی۔‘
واضح رہے کہ آئی سی سی مینز ٹی 20 ورلڈکپ 2021 کے سپر 12 مرحلے کے گروپ 2 کے اہم میچ میں نیوزی لینڈ نے بھارت کو یکطرفہ مقابلے کے بعد 8 وکٹوں سے شکست دی۔
کیویز نے بھارت کی جانب سے دیا گیا ہدف 15ویں اوور میں 2 وکٹوں کے نقصان پر حاصل کیا۔
