فرمان الہی
نماز کے اوقات
آئی سی سی مینز ٹی ٹوئنٹی ورلڈکپ 2021 کے گروپ اسٹیج کے آخری میچ میں نمیبیا نے بھارت کو جیت کے لیے 133 رنز کا ہدف دے دیا۔
دبئی کرکٹ اسٹیڈیم میں کھیلے گئے اس میچ بھارت نے ٹاس جیت کر نمیبیا کو پہلے بیٹنگ کرنے کی دعوت دی تھی۔
نمیبیا نے پہلے بیٹنگ کرتے ہوئے 8 وکٹوں کے نقصان پر مقررہ 20 اوورز میں 132 رنز بنائے۔
بھارتی بولرز نے ایک اور کمزور حریف کو دبوچ لیا، جہاں نمیبیا سے صرف پی ایس ایل میں اپنی کمال دکھانے والے ڈیوڈ ویسا ہی 26 رنز بنا کر نمایاں رہے۔
دیگر بلے بازوں میں اسٹیفن بارڈ 21 رنز بنا سکے اس کے بعد بہترین رنز بھارت کی جانب سے دیے گئے 17 فاضل رنز تھے۔
بھارتی بولرز میں سے ایشون اور جاڈیجا نے 3،3 جبکہ بومرا نے ایک کھلاڑی کو آؤٹ کیا۔
واضح رہے کہ بھارت اور نیمیبا دونوں ہی ٹی ٹوئنٹی ورلڈکپ سے باہر ہوچکی ہیں۔
بھارت کو گروپ میں بڑی ٹیمیوں پاکستان اور نیوزی لینڈ سے شکست کا سامنا کرنا پڑا تھا، جس کے ساتھ ہی اس کے ایونٹ سے باہر ہونے کے امکانات پیدا ہوگئے تھے۔
دوسری جانب اس نے اسکاٹ لینڈ اور افغانستان کو شکست دے کر اپنی بقا کی جنگ لڑنے کی کوشش کی لیکن کیویز کے ہاتھوں افغان ٹیم کی شکست کے بعد یہ سیمی فائنل کی دوڑ سے باہر ہوگئی۔
نمیبیا نے پہلے مرحلے میں آئرلینڈ جیسی ٹیم کو شکست دے کر اپنے لیے سپر 12 کی راہ ہموار کی تھی، جبکہ اس نے دوسرے مرحلے میں اسکاٹ لینڈ کو زیر کیا تھا تاہم اسے افغانستان، پاکستان اور نیوزی لینڈ کے ہاتھوں شکست کا منہ دیکھنا پڑا تھا۔
