فرمان الہی
نماز کے اوقات
کراچی (اسٹاف رپورٹر) بلدیہ ٹائون میں بھائی نے بھائی کو فائرنگ کر کے قتل کر دیا،فائرنگ کی زد میں آکر دو افراد بھی زخمی ہوئے، جبکہ اپنی بیوی 18 سالہ کائنات کو چھریوں کے وار کرکے قتل کردیا ۔ تفصیلات کے مطابق بلدیہ ٹائون کے علاقے مہاجر کیمپ تین نمبر غوثیہ مسجد کے قریب فائرنگ کے نتیجے میں ایک شخص جاں بحق جبکہ دو افراد زخمی ہوگئے ۔ پولیس کے مطابق مقتول کی شناخت 25 سالہ فیاض ولد فرمان کے نام سے کی گئی جبکہ زخمیوں میں 19 سالہ کامران یونس اور 25 سالہ سلیم ولد عبدل دیان شامل ہیں ، مقتول فیاض کو اس کے سگے بھائی زاہد نے فائرنگ کر کے قتل کیا ہے ، دونوں بھائیوں کے درمیان دشمنی چل رہی تھی ، زخمی افراد فائرنگ کی زد میں آگئے ۔ ملیر کینٹ تھانے کی حدود زکریا گوٹھ بلاک ایچ کے رہائشی علی حسن نے اپنی بیوی 18 سالہ کائنات کو چھریوں کے وار کرکے قتل کردیا، پولیس کے مطابق مقتولہ نے ایک سال قبل گھر والوں کی مرضی کے خلاف علی حسن سے پسند کی شادی کی تھی ،دونوں پڑوسی تھے ،پولیس نے ملزم کو آلہ قتل سمیت گرفتارکرلیا۔
