• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

باکسر گروپ کے سرغنہ ، میچوں کے جواری سمیت 31سماج دشمن گرفتار

میرا شہر
اسلام آباد
15 نومبر ، 2021
راولپنڈی(سٹاف رپورٹر)باکسر گروپ کے سرغنہ ، میچوں کے جواری سمیت 31سماج دشمن گرفتار کر لیے گئے۔ مری پولیس نے نمبل رومال کے علاقے میں نوجوان لڑکے کو فائرنگ کر کے زخمی کرنے والے باکسر گروپ کےسرغنہ کوگرفتار کرلیا۔ تھانہ پیرودھائی پولیس نے کرکٹ میچوں پر آن لائن جوا ء کھیلنے والے ملزم کوگرفتار کرلیا۔ تھانہ واہ کینٹ پولیس نے 4 موٹرسائیکل چوروں کو گرفتار کرکے 6مسروقہ موٹر سائیکل برآمد کرلئے ۔ راولپنڈی پولیس نے10ملزموں کو گرفتار کرکے 1910گرام چرس ،20لٹر شراب اور ایک بوتل شراب برآمد کرلی ۔ تھانہ ریس کورس پولیس نے سوشل میڈیا پر ناجائز اسلحہ اور ہوائی فائرنگ کی تشہیر کرنے والے ملزم کوگرفتار کرلیا۔ راولپنڈی پولیس نے 6ملزموں کو گرفتار کرکے 6 پستول مع ایمونیشن برآمد کرلئے۔ راولپنڈی پولیس نے شادی کی تقریبات میں ہوائی فائرنگ،آتش بازی اورسائونڈ سسٹم استعمال کرنے پر 7ملزموں کو گرفتار کرلیا۔ چونترہ پولیس نے سوا کلو چرس برآمد کرکے ایک ملزم کوگرفتارکرلیا۔
تازہ ترین