فرمان الہی
نماز کے اوقات
اپوزیشن اتحاد پی ڈی ایم کے سربراہ مولانا فضل الرحمان نے انکشاف کیا ہے کہ اپوزیشن کو کالیں آئیں کہ مشترکہ اجلاس میں نہیں آنا۔
کوئٹہ میں میڈیا سے گفتگو مولانا فضل الرحمان نے کہا کہ چھوٹی پارٹیوں پر اجلاس میں جانے کا دباؤ ہے، اپوزیشن کو کالیں آئیں کہ مشترکہ اجلاس میں نہیں آنا۔
انہوں نے کہا کہ حکومت کے پاس زبردستی والی اکثریت ہے، ملک جبر کے تحت چل رہا ہے، ہاتھ مروڑ کر قانون بنانے کی وقعت نہیں ہوگی۔
پی ڈی ایم سربراہ نے مزید کہا کہ حکومت چل نہیں رہی، چلائی جارہی ہے، چلنے والوں اور چلانے والوں دونوں کو ہی میں جانتا ہوں، پتا ہے کن لوگوں کو سیف ہاؤسز میں لے جایا گیا۔
اُن کا کہنا تھا کہ 19نومبر سے پہلے یہ سب کرنا سارا عمل مشکوک بناتا ہے، پیپلز پارٹی کے اتحاد میں آنے پر بات نہیں ہوئی۔
دوران گفتگو مولانا فضل الرحمان نے سابق چیف جج گلگت بلتستان رانا محمد شمیم کے بیان کی عدالتی تحقیقات کا مطالبہ کیا۔
انہوں نے کہا کہ ہر چیز پر مٹی پاؤ کی پالیسی سے کام نہیں چلے گا، یہ چوتھا ایسا جج ہے جو آن ریکارڈ اور حلفیہ بیان دے رہا ہے۔
