بہاول نگر، بیوی پر تشدد کرنے والا شوہر گرفتار

بہاول نگر میں پولیس نے بیوی پر تشدد کرنے والے شوہر کو گرفتار کرلیا، ملزم پر تشدد کی وڈیو وائرل ہونے کے بعد مقدمہ درج کیا گیا تھا۔

پولیس کے مطابق تشدد میں استعمال ہونے والی رسی اور ڈنڈا برآمد کرلیا گیا ہے۔

شوہر نے مبینہ طور پر گھریلو جھگڑے پر بیوی کو رسیوں سے باندھ کر بہیمانہ تشدد کیا تھا، متاثرہ خاتون دو بچوں کی ماں ہے۔

دوسری طرف پولیس نے حافظ آباد میں سوئی گیس فراہمی کی تقریب میں ہوائی فائرنگ کرنے والے ملزم کو گرفتار کرکے اسلحہ برآمد کرلیا۔

پولیس کے مطابق واقعہ 2 روز قبل متیکی میں پیش آیا تھا، سوئی گیس فراہمی کی افتتاحی تقریب میں ایک شخص نے ہوائی فائرنگ کی تھی۔