• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

مخالفین پریشان ،اچانک پیپلزپارٹی کہاں سے نکل آئی ،راجہ پرویز اشرف

میرا شہر
لاہور
24 نومبر ، 2021
لاہور (اپنے نامہ نگار سے )پیپلزپارٹی وسطی پنجاب کے صدر راجہ پرویز اشرف نے کہا ہے کہ پیپلز پارٹی کا ٹیمپو بن چکا ہے،تیر پر اتنی مہریں لگائیں کہ دنیا حیران ہو جائے۔انتخابات میں متحرک اور متحد جماعت ہی جیتتی ہے،سیاسی مخالفین پریشان ہیں کہ اچانک پیپلز پارٹی کہاں سے نکل آئی۔وہ یونین کونسل 224میں شہلا رضا،اسلم گل،عثمان ملک کیساتھ کارنر میٹنگ سے خطاب کر رہے تھے جس کا اہتمام تنویر موہل،فائزہ ملک،بشری ملک اور زاہدہ انصاری نے کیا تھا ۔اسلم گل نے کہا کہ جعلی شیروں کو 5دسمبر کو ہمیشہ کیلیے ختم کر دینگے۔شہلا رضا نے کہا کہ حیران ہوں کہ یہاں ایک بھی گلی پکی نظر نہیں آتی۔کیا کبھی وزیر اعلی پنجاب اور پرویز ملک اس حلقے میں آئے ،مزید برآں سابق وزیر اعظم راجہ پر ویز اشرف کی موجودگی میں ن لیگ ، ق لیگ اور پی ٹی آئی کے کئی کونسلروں اور لیڈروں نے پیپلز پارٹی میں شمولیت کا اعلان کیا ۔ ان میں لالہ طارق س ،جاوید ،عبد المجید سیمبل ، نبیل ،شکیل ایڈووکیت ، شوکت علی رانجھا ،باجی شہزادی ، محمد رشید سابق جنرل س اور دلاور سواتی شامل ہیں ۔
تازہ ترین