• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

چڑیا گھر و سفاری پارک میں جانوروں کی خوراک موجود ہے، بلدیہ کراچی

کراچی ( اسٹاف رپورٹر)بلدیہ عظمیٰ کراچی کے ترجمان علی حسن ساجد نے کہا ہے کہ چڑیا گھر اور سفاری پارک میں تمام جانوروں کومسلسل خوراک فراہم کی جا رہی ہے، ایڈمنسٹریٹر کراچی کی ہدایت پر منگل کے روز بلدیہ کراچی کے افسران کی ٹیم نے کراچی چڑیا گھر کا دورہ کرکے جائزہ لیا ، ترجمان نے کہا کہ کراچی چڑیا گھر میں آج کے علاوہ بھی جانوروں کے لئے ایک ہفتے کی خوراک موجود ہے ، بعض شر پسند عناصرکراچی چڑیا گھر سے متعلق منفی خبریں پھیلا کر سیاست کررہے ہیں، انہوں نے کہا کہ چڑیا گھر میں روزانہ ہزاروں شہری تفریح کی غرض سے آتے ہیں جو ازخود جانوروں کا قریب سے مشاہدہ کرتے ہیں، ترجمان نے کہا کہ جو لوگ یہ سمجھتے ہیں کہ کراچی چڑیا گھر اور سفاری پارک میں جانوروں کو خوراک فراہم نہیں کی جارہی انہیں دعوت دی جاتی ہے وہ چڑیا گھر آئیں اور حقیقت سے خود آگاہی حاصل کریں۔

شہر قائد/ شہر کی آواز سے مزید