تعلیمی اداروں میں تین دن کی چھٹیاں ہونےسےاسموگ کم ہوگی، شفقت محمود

وفاقی وزیر تعلیم شفقت محمود کا کہنا ہے کہ تعلیمی اداروں میں تین دن کی چھٹیاں ہونے سے اسموگ کم ہوگی، چھٹیوں کی وجہ سے ہمیشہ اسموگ کے لیول میں فرق پڑا ہے۔

 لاہور میں میڈیا سے گفتگو کرتے ہوئے شفقت محمود نے کہا کہ تعلیمی سرگرمیوں کو جاری رکھناچاہتے ہیں اب امتحانات مقررہ وقت اور مکمل نصاب کے ساتھ ہوں گے۔

شفقت محمود نے کہا کہ کورونا وائرس کے نئے ویرینٹ کے بارے  میں تفصیلی علم نہیں، کورونا وائرس کے حوالے سے حکومت نے بہت اقدامات کیے ہیں۔

وزیر تعلیم نے کہا کہ  ماضی میں بھی مختلف ویرینٹ کا مقابلہ کرچکے ہیں۔