• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

میرانشاہ میں ترقی اور خوشحالی کا نیا باب شروع ہوگا، فیض حمید

پشاور (جنگ نیوز) کور کمانڈر پشاور لیفٹیننٹ جنرل فیض حمید نے میران شاہ کا دورہ کیا، میرانشاہ میں اتمانزئی مشران کے ساتھ گرینڈ جرگہ، اتمانزئی مشران کے ساتھ ساتھ جی او سی سیون ڈویژن میجر جنرل نعیم اختر، ڈپٹی کمشنر شاہد علی خان اور ڈی پی او عقیق حسین نے بھی جرگہ میں شرکت کی۔ اتمانزئی مشران نے افغانستان سے متاثرین کی واپسی، دوطرفہ تجارت بڑھانے، انڈسٹریز بنانے، مسمار شدہ بازاروں کے معاوضوں کی ادائیگی، یونیورسٹی اور کیڈٹ و میڈیکل کالجز کے قیام جیسے مطالبات کئے۔ کور کمانڈر پشاور نے اتمانزئی مشران کے مطالبات پورے کرنے کی یقین دہانی کرائی اور کہا کہ کہ علاقے میں امن و امان کا قیام، ترقی اور خوشحالی فوج اور حکومت کی اولین ترجیحات ہیں۔ کور کمانڈر نے یہ بھی کہا کہ ترقیاتی منصوبوں، تجارت اور تعلیم کو فروغ دیکر علاقے میں ترقی اور خوشحالی کا نیا باب شروع ہوگا۔ انہوں نے مشران پر نوجوانوں کو تعلیم اور روزگار کی طرف راغب کرنے پر زور دیا۔

ملک بھر سے سے مزید