ناروے میں اومی کرون کا پھیلاؤ روکنے کیلئے نئے اقدامات کا اعلان

اوسلو (ناصراکبر) ناروے میں کورونا کی نئی قسم اومی کرون کے چار کیسز سامنے آنے کے بعد حکومت نے نئے کورونا اقدامات کا اعلان کیا ہے،وزیر اعظم یوناس گہر سٹور نے اوسلو میں کرسمس ڈنرکے پروگرام سے اومی کرون پھیلنے کی تصدیق کی،اس کرسمس ڈنر میں اوسلو اور دارالحکومت کے ارد گرد میونسپلٹی کے لوگوں نے شرکت کی تھی،انہوں نے کہا کہ حکومت صورتحال کو قریب سے دیکھ رہی ہے،اگر ضرورت پڑی تو مزیدسخت اقدامات کیے جائیں گے، انہوں نے کہا کہ حکومت کی طرف سے درج ذیل قومی اقدامات متعارف کرائے گئے ہیںان میں فیس ماسک کا استعمال،دوسروں سے ایک میٹر کافاصلہ رکھنا، ہاتھ ملانے سے گریز کرنا، دکانوں، مالز، ریستوران، پبلک ٹرانسپورٹ، انڈور اسٹیشن ایریاز اور ٹیکسیوں میں جہاں کم از کم ایک میٹر کا فاصلہ رکھنا ممکن نہ ہو فیس ماسک پہننا ہوگا،فیس ماسک پہننا 12 سال سے کم عمر بچوں پر لاگو نہیں ہوگا، یا ان لوگوں پر جو طبی یا دیگر وجوہات کی بنا پر فیس ماسک نہیں پہن سکتے، چہرے کا ماسک پہننے کی بھی سفارش کی جاتی ہے جہاں بہت سے لوگ ہوں اور آپ سے فاصلہ برقرار رکھنا مشکل ہو،اس بات کو یقینی بنایا جائے گا کہ ملازمین پورے ہفتے یا ہفتہ کاکچھ حصہ گھر سے کام کریں ، عوامی جگہ یا کرائے کےہالز میں 100 افراد تک کے نجی انڈور ایونٹس کے لیے لوگوں کی تعداد کی پابندیاں ہوں گی جب کہ ریستوراں اورمنتظمین کی ذمہ داری ہے کہ وہ مہمانوں کو رجسٹر کریں تاکہ انفیکشن کی صورت میں مہمانوں کو مطلع کریں،مہمانوں کے پاس ایسے ریستوراں میں نشستیں ہوں جن کے پاس شراب کا لائسنس ہو، 600 تک کی مقررہ مختص نشستوں کے بغیر انڈور ایونٹس کے لیے تعداد 200 ہو گی ،یہ قومی اقدامات اگلے دو ہفتوں تک نافذ عمل رہیں گے، نارویجن حکومت پہلے ہی اعلان کر چکی ہیں کہ ہر وہ شخص جو جنوبی افریقہ، نمیبیا، زمبابوے، بوٹسوانا، موزمبیق، لیسوتھو، ایسواتینی اور ملاوی میں قیام کے بعد ناروے پہنچتا ہےوہ داخلے سے پہلے ٹیسٹ اور 10 دن تک قرنطینہ میں رہےگا،قطع نظر اس کے کہ آپ دستاویزات پیش کر سکتے ہیں کہ آپ کو مکمل طور پر ویکسین لگائی گئی ہے یا آپ بیماری سے گزر چکے ہیں ،ناروے کی طرف سے ان ممالک سے براہ راست پروازوں پر بھی پابندی لگا دی گئی ہے۔